Dilkan waxaa geystay labo nin oo madow oo la sheegay inay muslimiin yihiin, kuwaasi oo dilay mid kamid ah Askarta Militari ah oo kusii jeeday xarunta Militariga ku leeyihiin xaafadaasi.

dil ka dhacey london.

Dilkan ayaa noqday mid argagax ku rida shacabka, waxaana la yaab noqotay nimanka dilka geystay oo ku hubeysnaa faasas iyo mindiyo ay shacabkii halkaasi taagnaa u sheegeen in dagaalkan uu yahay mid u dhaxeeya Gaalada iyo Islaamka, waxayna ku dhawaaqeen cidii qof disha inay ka aargudanayaan, waxaa la filayaa inay ka wadeen maadaama ninka ay dileen uu kamid yahay ciidamada Militariga Ingiriiska.

Booliiska oo soo gaaray goobta weerarka ka dhacay ee xaafada Woolwich ayaa rasaas ku riday labada nin oo ay dhaawacyo soo gaareen, waxaana la sheegay in mid kamid ah raggan uu dhaawac culus soo gaaray.

Raysalwasaaraha Ingiriiska David Cameron oo booqasho ku joogay magaalada Paris ee caasimada Faransiiska oo uu kulan kula lahaa Madaxweynaha Faransiiska, ayaa safarkiisa soo afjaray isagoo la hadlayey saxaafada ku sugan Paris wuxuu sheegay in wadankiisa uusan marnaba u dulqaadan doonin weerar argagaxin ah.

Telefishinada caalamka iyo jaraa’idka ayaa isla markiiba soo qaatay sawirada nimanka dilka geystay oo gacamahooda dhiig ka da’ayo, kuwaasi oo ku dhawaaqayey erayo ka dhan ah dowlada Ingiriiska.

Mar naba Nabad ma heli doontaan, intaad dileysaan dadkeena, qofkii qof naga dila waanu dilaynaa…” bay ku dhawaaqayeen labadan nin ee falkan loo heysto.

Saxaafada iyo dowlada Ingiriiska ayaa weerarkan ku tilmaamay weerar Argagaxiso.

gadowne@hotmail.com

ayaa Sheegaya in dagaal culus oo qasaare geestay uu Ku dhexmaray ciidanka Ithiobia iyo kuwa ururka Al-shabaab degaano ku yaalo  galbeedka Magaalada Baladweyn.

Dagaalka xoogisa ayaa waxa uu ka dhacay inta u dhaxeyso deegaanada Farlibaax iyo Mustaxiil oo qiyaastii 60 KM dhanka galbeed uga beegan Magaalada Baladweyn ee xarunta gobolka Hiiraan.

Goob joogayaal ku sugan deegaanada lagu dagaalamay ayaa Shabelle u sheegay in dagaalka uu ahaa mid xoogan oo la isku adeegsaday hub culculus,Waxaana  dagaalkaasi ku dhintay ilaa 7 ruux  oo ah dhinacyadii dagaalamay ,halka tiro intaasi kabadna ay ku dhaawacmeen.

Xaalada deegaanadaasi ayaa caawo degan inkastoo weli ay xiisadi ka jirto deegaanadii lagu dagaalamay.

gadowne@hotmail.com

ay soo gudbiyeen in ku dhaw 100 xildhibaan oo codsaday in codka kalsoonida loo qaado xukuumada Federaalka.

Mooshinkan ayaa ah mid Guddoonka Baarlamaanka la hordhigay todobaadkii tagay waxaana ku saxiixnaa in ka badan 90 xildhibaan, waxaana lagu wadaa in maanta ay Xildhibaanada Baarlamaanka Federaalka doodii ugu horeysay ka yeeshaan.

Tan iyo intii Mooshinkan loo gudbiyey Baarlamanaka ayaa waxaa sodcday dadaalo lagu doonayo in lagu baajiyo mooshinkan ay keeneen qaar kamid ah xildhibaanada Baarlamaanka Soomaaliya oo dhaliilsan waxqabadka dowlada.

Qodobada mooshinkan lagu soo qaaday ayaa waxaa kamid ah habkii ay xukuumada Raysalwasaare Saacid u abaartay qodobo ay kamid yihiin:

Shirkii Federaalka iyo Somaliland ee Ankara.
Waxqabadka Wasaaradaha Xukuumada
Awoodqeybsiga ay dowlada ku dhisantahay
Maamul u sameynta gobalada dalka
Dhaqangelinta Nidaamka Federaalka iyo qodobo kale.

Magaalada Muqdisho iyo goobo kale oo ka baxsan Soomaaliya ayey ka dhaceen kulamo kala gedisan oo lagu taageerayey Xukuumada waxqabadkeeda, waxaana jiray dad dhaliilay Xildhibaanada mooshinka keenay iyagoo ku tilmaamay kuwo caqabad ku noqonaya habsami u socodka dowlada.

Dhinaca kale Xildhibaanada iyo waliba sharci yaqaanada ayaa ku tilmaamay mooshinka la keenay mid qeyb ka ah waxqabadka iyo hawl-maalmeedka Baarlamaanka.

Xildhibaanada ayaa sheegay in hawshoodu ay tahay la xisaabtanka dowlada laamaheeda kala duwan, hadii aysan taasi dhicina ay keeni karto in dowlado ay marto wado khaldan oo ay dhibaato ka timaado. Waxay sidoo kale ugu baaqeen Xukuumada iyo hogaanka sare inay u bislaadaan inay ka jawaabaan su’aalaha Baarlamaanka la horkeenayo.

Waxaa iyaguna jira xildhibaano taageersan Xukuumada hada jirta kuwaasi oo sheegay inay heystaan codka aqlabiyada isla markaana ka hortagi doonaan tilaabo walba ama iskuday walba oo lagu ridayo xukuumada uu hogaamiyo Raysalwasaare Cabdi Faarax Shirdoon (Saacid)

gadowne@hotmail.com.

ayaa sheegay in loo baahan yahay in xal siyaasadeed laga gaaro xaalada magaalada Kismaayo.

asiirkii hore ee Dastuurka DFKMG Cabdiraxmaan Xoosh oo hada kamid ah Xildhibaanada Baarlamaanka Soomaaliya, ayaa sheegay in loo baahan yahay wax walba in la waafajiyo Dastuurka Federaalka Soomaaliya.

Xildhibaan cabdiraxmaan xoosh.

Wareysiga uu Xildhibaan Xoosh siiyey idaacada VOA laanteeda Af-Soomaaliga ayaa sheegay in aysan Xalaal ahayn dhismaha maamulka Jubaland.

Xildhibaan xoosh ayaa sidoo kale cambaareeyey taageerada ay dowlada Puntland u fidisay magacaabista maamulka Jubaland, isagoo sheegay in habka loo sameeyey maamulka Jubaland uusan waafaqsaneyn dastuurka Federaalka.

Xildhibaanka oo hadlkiisa sii wata ayaa sheegay in ay jiraan beelo badan oo aan ku qanacsaneyn shirkii ka dhacay Kismaayo oo lagu soo doortay Madaxweynaha Jubaland Axmed Madoobe.

Dhinaca kale wafdiga ka socda Dowlada Federaalka Soomaaliya ayey qaar kamid ah shacabka ku sugan Kismaayo ku eedeeyeen inay u yimaadeen magaalada Kismayao sidii wax kama jiraan looga soo qaadi lahaa shirweynihii Kismaayo ka socday bilihii lasoo dhaafay iyo dhismaha maamulka Jubaland.

Wafdiga ka socda Dowlada Federaalka Soomaaliya ayaa sidoo kale magaalada Kismaayo kula kulmay wafdigii ka socday IGAD ee kormeer ku tagay magaalada Kismaayo.

xilli ammaanka magaaladaasi uu faraha kasii baxayo

ciidamada magaalada ayaa isku fiirsanaya shakhsiyaad mid walba sheeganayo in uu yahay guddoomiyaha degmada.

Magaalada Marka oo buuq badan ka taagan.

Max’med Cismaan Cali Yariisow oo ku sugan Marka ayaa sheegtay in uu yahay guddoomiyaha degmada Marka islamarkaana lagasoo magacaabay xafiiska R/wasaare Saacid Shirdoon.

Isagoo  sheegay in isagu uu maleeshiyaad beeshiisa ah ku heysto magaalada uuna si caadi ah u maamulo magaalada sida uu hadalka u dhigay.

Sidoo kale Cokaasha oo Marka ku sugan ayaa sheegtay in uu yahay guddoomiyaha saxda ah ee magaalada Marka,laba beelood oo horay ugu dagaalamay Marka ayaa laga cabsi qabaa in markale ay isku fara saaraan magaalada.

Ciidanka Marka ayaa u muuqda mid dusha sare ka eeganaya is jiid jiidka kajira magaalada dhibaatada ugu daran waxay dhacaysaa shacabka rayidka ah oo ay mooryaantu ku dul dagaalamayaan.

Halkan Ka dhageyso Yariisow oo sheeganaya guddoomiyaha Marka MP3

oo ay isku hor fadhiyaan maleeshiyaad kala taabacsan dhinacyo is khilaafsan.

Axmed Madoobe ayaa la sheegay in uu ciidankiisa u qeybiyay dares gaar ah waxaana laga yaabaa in maalmaha soo socda lagu kala baxo magaalada.

Barre Hiiraale iyo Axmed Madoobe ay diyaar garoow dagaal ku jiraan waxaana suurtagal ah in saacad walbo magaalada Kismaayo Xabaddu ka bilaabato.

Xildhibaan Alankey oo kamid ah  baarlamanka  DF-ka oo dhawaan gaaray magaalada Kismaayo ayaa sheegay in xaalad jah wareer ah ay heysato magaalada.

halkaan ka dhegeyso xildhibaanka

xildhibaan_alankey

Waxaa la xaqiijiyey in ugu yaraan 51 ay ku dhinteen duufaan ku dhufatay dalkan Mareykanka, dadka dhintay ayaa waxaa ka mid ah 20 caruur ah ku sugnaa iskuul ay duufaantu ku dhufatay oo ku yaalla gobalka Oklahoma. Tirada dhimashada yaa laga cabsi qabaa inay kororto.

Maxamuud Weheliye oo ka mid ah Soomaalida ka shaqeysa gaadiidka waaweyn ee isaga goosha gobolada dalkan maraykanka iyo Canada oo markii ay duufaantu ku dhufatay gobolkaa ku sugnaa Oklahoma City ayaa sheegay inuu arkay geedo waa waaweyn oo ay dhulka dhigtay

Sidoo kale meelaha laga dareemay duufaantaasi ayaa waxaa ka mid ah gobolka Missouri oo ku dheggan Oklahama. Mahad Nageeye Cumar oo isna ka mid ah Soomaalida ka shaqeysa gawaarida xamuulka ee isaga gooshta gobolada dalka Maraykanka, kuna sugnaa Missouri markii ay duufaantu ku dhufaneysay, ayaa sheegay inay aheyd duufan xoogan oo ka lumisay inuu gaariga wadada ku  hayo hase ahaatee aaney gaarin wax khasaare ah.

Wareysida goobjoogyaasha duufaanta halka hoose ka dhageyso.

ayaa shaaca ka qaaday in hadda wixii ka danbeeya aan loo dulqaadan doonin mudanayaasha baarlamaanka ee ka maqnaada kulamada baarlamaanka.

Jaylaani Nuur ayaa sheegay in xildhibaankii soo xaadiri waaya kulamada baarlamaanka uu waayi doono xubinnimadiisa golaha baarlamaanka wuxuuna ugu baaqay dhammaan mudanayaasha ka maqan kala fadhiyada baarlamaanka iney si deg deg ah usoo xaadiraan una gutaan hawshii loo xilsaaray.

Wuxuu sheegay inaysan sax ahayn in qaar ka mid ah xildhibaanada baarlamaanka ay gutaan howshooda , qaarna ay iska maqnaadaan ama ay dalxiis isaga jiraan.

Hadalka kugoomiye ku xigeenka koowaad ee golaha baarlamaanka Jaylaani Nuur ayaa ka danbeeyay ka dib markii ay soo bateen mudanayaasha baarlamaanka ee aanan soo xaadirin kulamada baarlamaanka.

AMISOM iyo kuwa dowladda Soomaaliya maalintii labaad ay ka sameeyeen magaalada Muqdisho.

Afhayeenka Ciidanka Midowga Afrika ee dalka Soomaaliya Cali Aadan Xumad oo warbaahinta maanta la hadlay ayaa sheegay in ujeedka howlgalka magaalada Muqdisho looga sameynayo ay tahay xaqiijinta ammaanka Magaalada Muqdisho.

Wuxuu sheegay in ciidamada AMISOM iyo kuwa dowladda Soomaaliya ay iska kaashadeen howlgalka laga sameeyay magaalada Muqdisho isaga oo ujeedka howlgalka ku sheegay in Al-Shabaab markii ay ku fashilmeen qaab ciidanimo ay shacabka ku dhexdhuuntaan.

Cali Aadan Xumad ayaa sheegay in meelaha la tuhmo guri guri loo galayo oo baaritaanka ciidanka ay ka sameynayaan,isaga oo sheegay in kaalinta shacabka kaga aadan howlgalkaasi ay ka qaataan.

Afhayeenka ciidanka Midowga Afrika ee AMISOM ayaa sidoo kale sheegay in xalay ay ka sameeyeen howlgal degmooyinka Warta Nabadda,Yaaqshiid iyo wadada Warshadaha halkaasina ay kusoo qabteen dad badan baaritaanana uu ku socdo dadkaasi.

Gadowne News, Xafiiska Muqdisho

gadowne@hotmail.com